Wys bron van Digtheid

:''Hierdie artikel bespreek die digtheid van 'n stof. Sien [[Bevolkingsdigtheid]] vir 'n artikel oor die digtheid van 'n bevolking.

'''Digtheid''' dui op die hoeveelheid stof per [[volume]] of op die aantal items per volume of oppervlakte. Die '''digtheid''' van 'n stof (simbool: ''&rho;'' - [[Griekse taal|Grieks]]: rho) is 'n mate van [[massa]] per eenheid [[volume]]. Hoe hoër 'n voorwerp se digtheid, hoe hoër is sy massa per volume. Die ''gemiddelde digtheid'' van 'n voorwerp is gelyk aan sy totale massa gedeel deur sy totale volume. 'n Meer digte voorwerp (soos [[yster]]) het minder volume as 'n gelyke massa van 'n minder digte stof (soos [[water]]).

Die '''[[SI]] eenheid''' van digtheid is [[kilogram per kubieke meter]] ('''[[kilogram|kg]]/[[kubieke meter|m<sup>3</sup>]]''')

:<math>\rho = \frac{m}{V}</math>

met

''&rho;'' die voorwerp se digtheid (gemeet in kilogram per kubieke meter)

''m'' die voorwerp se totale [[massa]] (gemeet in kilogram)

''V'' die voorwerp se totale [[volume]] (gemeet in kubieke meter)

== Ander eenhede ==
Die verouderde [[gram|g]]/[[kubieke sentimeter|cm&sup3;]] (gram per kubieke sentimeter) of kg/[[liter|L]] (kilogram per liter) mates kom steeds voor.
:1 kg/dm<sup>3</sup> = 1000 g/1000cm<sup>3</sup> = 1 kg/l.

In Britse eenhede word digtheid gemeet in [[Pond (eenheid)|pond]]/kubieke [[voet (lengtemaat)|voet]].

Voorheen was massa en volume verbind deur die [[gram]] as die massa van een [[kubieke sentimeter]] [[water]] teen 3,98&nbsp;[[Celsius|°C]] te definieer, wat beteken het dat water 'n digtheid van 1&nbsp;kg/liter gehad het. Dit het probleme geskep weens die kans van massaverlies as gevolg van [[verdamping]], asook digtheidsveranderinge as gevolg van temperatuurveranderinge. Om hierdie rede is 'n alternatiewe definisie van die meter en kilogram ontwikkel wat meer getrou in 'n laboratorium herhaal kan word.  Weens die nuwe definisies van meter en kilogram is die digtheid van water by 3.98&nbsp;[[°C]] baie naby aan presies 1&nbsp;kg/liter. 'n Kubieke meter water weeg dus een metrieke [[ton]].

== Digthede van stowwe ==
Die hoogste bekende digtheid is heel moontlik te vinde in [[neutronster]]materie.  Die [[Singulariteit (sterrekunde)|singulariteit]] in die middel van 'n [[swartkolk]] het geen volume volgens [[algemene relatiwiteitsteorie]], so die digtheid daarvan is ongedefinieerd.

Die mees digte stof wat natuurlik op [[Aarde]] voorkom is [[Iridium]], teen ongeveer 22,650&nbsp;kg/m<sup>3</sup>;.

'n Tabel van digthede van verskeie stowwe:

{| class="wikitable" style="text-align: center"
|-
! Stof
! Digtheid in kg/m<sup>3</sup>;
|-
| [[Iridium]]
| 22,650
|-
| [[Osmium]]
| 22,610
|-
| [[Platinum]]
| 21,450
|-
| [[Goud]]
| 19,300
|-
| [[Uraan]]
| 19,050
|-
| [[Kwik]]
| 13,580
|-
| [[Palladium]]
| 12,023
|-
| [[Lood]]
| 11,340
|-
| [[Silwer]]
| 10,490
|-
| [[Koper]]
| 8,920
|-
| [[Yster]]
| 7,870
|-
| [[Tin]]
| 7,310
|-
| [[Diamant]]
| 3,500
|-
| [[Aluminium]]
| 2,700
|-
| [[Magnesium]]
| 1,740
|-
| [[Seewater]]
| 1,025
|-
| [[Water]]
| '''1,000'''
|-
| [[Etielalkohol]]
| 790
|-
| [[Petrol]]
| 730
|-
| [[Aerogel]]
| 3
|-
| [[Lug]]
| 1,2
|}

Let op die lae digtheid van aluminium in vergelyking met die meeste ander metale; juis om hierdie rede is vliegtuie in die verlede hiervan gemaak.  Let ook daarop dat lug 'n nie-nul, alhoewel klein, digheid het.  Aerogel is die wêreld se ligste vaste stof.

'''Tabel - digtheid van lug ''&rho;'', [[Spoed van klank]] in lug ''c'',''' '''akoestiese impedansie ''Z'' teenoor [[temperatuur]] °C'''
{| class="wikitable" border="1" cellpadding="1" cellspacing="0"
|colspan="4" align="center" | ''' Effek van temperatuur '''
|-
|  °C||  ''c'' in m/s ||  ''&rho;'' in kg/m<sup>3</sup>||  ''Z'' in N&middot;s/m<sup>3</sup>
|-
| - 10 || 325,4 || 1,341 || 436,5 
|-
| - 5 || 328,5 || 1,316 || 432,4
|-
|   0 || 331,5 || 1,293 || 428,3 
|-
| + 5 || 334,5 || 1,269 || 424,5
|-
| + 10 || 337,5 || 1,247 || 420,7
|-
| + 15 || 340,5 || 1,225 || 417,0
|-
| + 20 || 343,4 || 1,204 || 413,5
|-
| + 25 || 346,3 || 1,184 || 410,0
|-
| + 30 || 349,2 || 1,164 || 406,6
|}

== Relatiewe digtheid ==
'''[[Relatiewe digtheid]]''', voorheen bekend as '''[spesifieke gewig]''' of '''[soortlike gewig]''', is 'n dimensielose hoeveelheid gedefinieer as die digtheid van 'n stof gedeel deur die digtheid van [[water]] by [[standaard temperatuur en druk]].  Per definisie, daarom, is die relatiewe digtheid (of RD) van water 1, en die RD van [[osmium]] omtrent 22.

Die digtheid van olie is minder as water dus kan dit op water dryf.

== Sien ook ==
* [[Standaard temperatuur en druk]]
* [[Relatiewe digtheid]]

{{Normdata}}

[[Kategorie:Wetenskap]]
[[Kategorie:Fisiese groothede]]